In English
संस्करण १.२
वर्तमान समयमा समस्त नेपाली नागरिकहरुले भोग्दै आएका मुलभूत समस्याका निकासका निमित्त विवेकशील नेपालीले २ वर्ष भन्दा बढी समय लगाएर निरन्तर रुपमा ७५ भन्दा बढी नागरिक सभा र देश भरि नागरिक अन्तरक्रिया गर्यो। यसबाट प्राप्त सल्लाह र सुझावमा आधारित भै ती समस्याको समाधान गर्न निम्न बमोजिमका मार्ग-दिशा तयार गरेका छौँ। यी समस्त नीतिहरुलाई हामीले समय सापेक्ष रुपमा परिमार्जन गर्दै जाने नीति लिएका छौं। हाम्रा आन्तरिक नीतिका लागि यहाँ जानुहोस् ।

सार्वभौमसत्ता:

नेपाली नागरिक राष्ट्रको सर्वोच्च निकाय हुन् जसले आर्थिक, सामाजिक र राजनीतिक  मुद्दाको उठान र निर्णय गर्ने हैसियत राख्दछन्।
कुनै पनि राजनीतिक र प्रशासनिक निकाय सो कामलाई सहज गर्ने औजार मात्र हुन्,  त्यसैले हामी नागरिकहरुको सो हैसियत सर्वोपरी मान्दै नागरिक कै सेवामा समर्पित छौँ।
हाम्रो सिद्धान्त:

विवेकशील नेपाली को राजनीतिक धार हो “समयसापेक्ष सुधारमार्ग” (Pragmatic Reforms)

  • विवेकशील नेपालीको गन्तव्य भनेको हाम्रै कालमा शान्त र समृद्ध नेपाल बनाउनु हो। त्यहाँ पुग्न हामीले चुनेको मार्ग हो “समयसापेक्ष सुधारमार्ग” जुन सन्तुलन, सुधार अनि समयसापेक्ष व्यवहारिकतामा आधारित छ।
  • नागरिक र समाजको कुनै पनि माग सम्बोधन गर्न सर्बप्रथम यी दुई बिच lसह-अस्तित्व, सन्तुलन र सहकार्य चाहिन्छ।  संमृद्ध नेपाल बनाउने क्रममा विवेकशील नेपालीले व्यक्ति र समाज दुबैको हितलाई सन्तुलित र सुधारोन्मुख तरिकाले अगाडि बढाँउछ।
  • समय अनुसार आउने नयाँ विचार र ब्यबहारको कारण समाज सदैब परिवर्तनशील छ । त्यसैले विवेकशील नेपालीले समय सापेक्ष रुपमा समाजलाई आवश्यक विचार र ब्यबहार परिमार्जन गर्ने बाटोमा लान्छ र आफु स्वयं पनि सो अनुरुप परिमार्जित हुँदै जान्छ।
  • विवेकशील नेपाली आम नागरिकहरुको पूर्ण सहभागितामा आधारित जन उत्तरदायी शासन प्रणालीमा प्रतिबद्ध छ। हामीले अबलम्बन गर्ने सिद्धान्त नागरिक सर्वोचता, कानुनी राज्य, अवसरमा समान पहुँच, व्यक्तिगत स्वतन्त्रताका साथ सामाजिक कल्याण र राष्ट्रिय हितबाट निर्देशित हुने छ।
  • विवेकशील नेपालीले सु-संस्कृत राजनीतिक व्यवहारको संस्कार आरम्भ गर्दछ। अाफ्नो राजनीतिक चिन्तनलाई नैतिक तवरले व्यवहारमा उतार्नलाई हामी महत्व दिन्छौँ।

समयसापेक्ष सुधारमार्गले के गर्छ?
समय सापेक्षता सुधारमार्गले नागरिकहरुको आवश्यकता बमोजिम  प्राथमिकताको तय गर्छ  र सो अनुरुप काम गर्छ।   उनीहरुको सुरक्षा र अत्यावश्यक सेवा समयमै सु-निश्चित गर्छ।  त्यसै गरी नागरिकहरुले सो पाए बापत आफ्नो राष्ट्रिय दायित्व पुरा गर्छन्। समयसापेक्षताले प्रयोगमा सफल भएका सिद्धान्त र वादका सकारात्मक गुणहरु समेटेर राष्ट्रलाई शान्त, संमृद्ध र सुखमय बनाउँछ। देशलाई संमृद्ध बनाउन यस सुधारवादले निम्न ८ खम्बाहरु बलियो बनाउनु अावश्यक ठानेको छ। ती देश बनाउने चाहिने खम्बाहरु - जिम्मेवार नागरिक र जवाफदेही नेतृत्व, एकताबद्ध (एक जुट) नेपाली र  सशक्त नेपाली, सेवक सरकार र संमृद्ध नेपाली , खुला सुधारमुखी नेपाल र स्वतन्त्र नेपाली। हाम्रो सिद्धान्त अझ विस्तृतमा यहाँ पढ्नुहोला ।

BibekSheel 8 pillar visions - Use this

अर्थतन्त्र: 

 उद्दमशील क्रान्तिबाट समान (समातामुलक) संमृद्धि ल्याउने विवेकशील मिश्रीत अर्थतन्त्र नीति - आर्थिक स्वतन्त्रता विना अन्य स्वतन्त्रता निरर्थक रहन्छ।  हामी आर्थिक स्वतन्त्रताका पक्षधर हौँ। उद्दमशील नेपाली र सेवक सरकार नै समान आर्थिक संमृद्धिको मूल-आधार हुनेछ।

  • अल्पकालमा:
    • हामी अहिले३ क्षेत्रमा केन्द्रित हुन्छौँ । प्रकृति बाट सिधै प्राप्त गर्न सकिने क्षेत्र (कृषि र खनिज), औद्योगिक उत्पादन (उद्योग) र सेवा उद्दम सम्बन्धी समय सापेक्ष नीति-कार्यक्रमहरुमा
    • खाद्य, उर्जा र भौतिक पूर्वाधार विकासको  क्षेत्रमा अल्पकालीन आर्थिक संकटकाल घोषणा गरी कृषि र स्वदेशी उद्दम र उद्दमीलाई प्राथमिकता दिई अत्यावश्यकीय वस्तुमा आत्म- निर्भर बनाउने।f
  • मध्यमकालमा: भारत -चीन बीचको व्यापार केन्द्रविन्धु बनाई फाइदा लिने परियोजना
  • दीर्घकालमा: नेपाल चीन लगायत दक्षिण एसिया लागि वित्तिय केन्द्रविन्धु बनाउने।

 

न्याय:

कानुनी राज्यको ग्यारेन्टी गर्ने र कानुनको सम्पादनमा रहेका कमजोरी तत्काल हटाउने जसका लागि कारागार, प्रहरी, अनुसन्धान, अदालत र कारागारको अवस्थामा व्यापक सुधार गर्नेछौँ।

  • अल्पकालमा: न्याय सम्पादनमा पूर्ण वैज्ञानिक प्रविधियुक्त जन-शक्ति तयार हुने वातावरण सिर्जना गर्ने
  • मध्यमकालमा: न्याय र प्रहरी क्षेत्रमा व्यापक सुधार र स्तर अभिवृद्धि (भर्नाको आधार कानुनको ज्ञान, अनुसन्धानमा अभिरुची र कार्यसम्पादन शैली)
  • दीर्घकालमा: पूर्ण कानुनी राज्यको स्थापना सहित मानव अधिकारको पूर्ण प्रत्याभूति

समग्रमा: कानुनी राज्य विना लोकतन्त्रको कुनै अर्थ छैन। कानुनी सर्वोच्चता र चुस्तता हाम्रो प्राथमिकता हो।

समाज:

 

विवेकशीलताका चार खम्बाहरु - जिम्मेवार नागरिक र जवाफदेही  नेतृत्व, एक जुट नेपाली र सशक्त नेपाली, सेवक सरकार र स्वतन्त्र नेपाली, विकासोन्मुख नेपाल र संमृद्ध नेपाली - लाई स्थानीय रुपमा प्रयोगमा ल्याएर विवेकशील सामाज बनाउनेछौँ।

  • अल्पकालमा: जिम्मेवार नागरिक र जवाफदेही नेतृत्व बनाएर
  • मध्यमकालमा: एकताबद्ध (एक जुट) तथा शशक्त नेपाली बनाउने दिशामा जाने र  राष्ट्र विकासको लागि खुल्ला विकासोन्मुख प्रणाली अपनाउने
  • दीर्घकालमा:  समाजलाई नैतिक र विवेकशील हुन प्रेरित गर्ने ,

निर्वाचन:

सबै चुनाव आवधिक रुपमा एकै पटक स्वच्छ र किफायती तरिकाले गर्नेछौं। राष्ट्रिय सरोकारका  अधिकतम बिबादास्पद मुद्दाको निर्णय गर्न जनमत संग्रहको प्रयोग गर्नेछौ ।

  • अल्पकालमा: सूचना र  प्रविधिको अधिकतम् प्रयोग गरी स्थानीय सरकारको लागि स्थानीय निर्वाचन गराउने। निर्वाचन अायोगलाई नियमित निर्वाचन गराउन र राजनीतिक दललाई अनुशासित राख्न विशेष अधिकार संबिधानमै सुनिश्चित गर्ने ।
  • मध्यमकालमा: विदेशमा बसेका नेपाली नागरिकले मतदान गर्ने अधिकार सुनिश्चित गर्ने । आफ्नो प्रतिनिधि फिर्ता बोलाउने अधिकार सुनिस्चित गर्नु पर्छ ।
  • दीर्घकालमा: स्वच्छ छवि र पेशामा सक्रिय रुपमा काम गरिरहेकाले मात्र निर्वाचन लडन् पाउने व्यवस्था स्थापित गर्ने ।  अत्याधुनिक सुचना प्रविधि सन्चालित निर्वाचन प्रणाली बनाउने ताकि भोट संसारको जुनै  स्थानबाट पनि सजिलै हाल्न सकियोस् अनि नतिजा छिटो र पारदर्शी तरिकाले थाहा पाउन सकियोस् ।

शासन प्रणाली:

गणतान्त्रिक शासन प्रणाली। सेवक सरकार, स्थानीय सरकारलाई अधिकार, जनमुखी संयन्त्र

  • आलंकारिक राष्ट्रपति
  • प्रत्यक्ष निर्वाचित प्रधानमन्त्री जो आफ्नो मन्त्रीमंडल स्वतन्त्र रुपमा निर्माण गर्न सक्छन्।
  • उपल्लो निकायमा ( राष्ट्रिय सभा ) ५ क्षेत्रबाट ५ /५ जना को दरले २५ सदस्य चुनिनेछन् जसले तल्लो सभाबाटपारित भएको  क्षेत्रीय विषय, संविधान संशोधन र सन्धि अनुमोदनको कार्य गर्नेछन्।
  • तल्लो सभामा १ लाख मतदातालाई प्रतिनिधित्व गर्ने क्षेत्रबाट निर्वाचित संसद्को संख्या निर्धारण हुनेछ।  निर्वाचित संसद्ले सरकारको नीतिहरुको अनुमोदन गर्ने छ।

समग्रमा: देशको सम्मुनति र शान्ति सुनिश्चित गर्ने चुस्त शासन प्रणाली विकास गर्नेछौँ।

धर्म:

हामी धार्मिक स्वतन्त्रतामा विश्वास राख्छौँ।  धर्म र शासनलाई अलग्गै राख्नु जरुरी छ । धर्मको नैतिकता र सु-संस्कार लाई राज्यले कदर गर्नेछ। स्वेच्छाले धर्म परिवर्तन भएमा सो दर्ता हुनु जरुरी छ । नियोजित तरिकाले धर्म परिवर्तन गर्न प्रेरित गर्नु अपराध ठहरिने छ।

समावेशिता:

योग्यतामुखी नीति - देशमा रहेको असमावेशितालाई विवेकशील तरिकाले समावेशी गर्छौ। कसरी ?  आर्थिक वर्गको आधारमा

  • अल्पकालमा: आर्थिक वर्गको आधारमा प्राप्त हुने कोटा जागिरको लागि होइन बरु योग्यता र सीप वृद्धिको लागि गर्ने।
  • मध्यमकालमा: सरकारी जागिर योग्यता र स्थानिय आधारमा हुनु पर्छ ।
  • दीर्घकालमा:
    • शिक्षा र उद्दमशीलताद्वारा समान (समतामुलक) आर्थिक र सामाजिक हैसियत भएको आधुनिक राज्य स्थापना गर्ने ।
    • संबिधानमा जातियताको अाधारमा रहेको समावेशितालाई संसोधन गरि अार्थिक बर्गको अाधारमा समावेशिता कायम गर्ने

समग्रमा: योग्यतामुखी नेपालले नै बनाउँछ संमृद्ध नेपाल। योग्यतामुखी समाजले निम्त्याँउछ बिकसित समाज। योग्यतामुखी संस्कृति ,गरिमामय संस्कृति।   समावेशितालाई “जातमा होईन, बर्गमा , जागिरमा होईन, क्षेमता अभिवृद्धिमा जोड

विविधता (जातीयता):

विविध भाषा र संस्कृतिको रक्षा गर्दै  नेपालीलाई एकीकृत बनाई राख्ने नीति

  • अल्पकालमा:
    • जातीगत होइन, सिमान्तकृत नागरिकहरुको लागि समुन्नती र सम्मानको अवसर सिर्जना गर्ने।
    • भाषा र संस्कृतिका हरेक संघ (प्रदेश/क्षेत्र) भित्र १ /१ संग्राहलय र प्रत्येक अंचलमा स्थानिय भाषाहरुको  अनुसन्धानलय र पाठशाला निर्माण गर्ने।
    • राष्ट्रियता बलियो हुने सदभाव कार्यक्रम र रणनीतिमा जोड दिने - विशेष गरि खेलकुद, संगीत र अान्तरिक पर्यटन।
    • जातीय भेदभाव अन्त्य गर्न कानुनी परिपालना कडाईका साथ पालना गर्ने ।
  • मध्यमकालमा : शिक्षा, उद्योग र रोजगारमा समान अवसरको सिर्जना गर्ने।
  • दीर्घकालमा : “विविधतामै एकता”लाई संस्थागत गर्ने।

समग्रमा: हामी विविधताबीच एकतामा विश्वास गर्छौँ। सिमान्तकृत नागरिकहरुको लागि समुन्नती र सम्मानको अवसर सिर्जना गर्नुपर्ने अडान लिएका छौँ।  जातहरुको मौलिकतालाई सम्मान गर्दै हामी अब नेपालीहरुलाई एक बनाउन बाटो - समान संमृद्धि - मा केन्द्रित हुन्छौँ।

राष्ट्रियता:

नेपालको प्रतिष्ठा स्थापित गर्ने  राष्ट्रिय मेलमिलाप नीति

  • अल्पकालमा : राष्ट्रिय मुद्दामा एकता, ऐतिहासिक धरोहरको प्रवर्द्धन , सद्भावको अभिवृद्धि ( पुष २७ राष्ट्रिय एकता दिवस र बुद्ध जयन्ती राष्ट्रिय गौरवका पर्व )
  • मध्यमकालमा : शिक्षामा राष्ट्रिय अात्मसम्मानको प्रवर्द्धन , नागरिकमा राष्ट्र सेवाको वातावरण विकास गर्ने।
  • दीर्घकालमा : राष्ट्रियता फलाक्ने कुरा होइन, मनन गर्ने कुरा हो। राष्ट्रियता जोगाउने सर्वोत्तम उपाय समान संमृद्धि र सह-अस्तित्व को वातावरण बनाएर नै हुन्छ।

समग्रमा: नेपाली भनेर होईन अब बनेर देखाउनु पर्छ।  नेपाल हाम्रो घर हो, डेरा होइन।

रक्षा:

चुस्त रक्षा निकाय, कुटनीतिक सर्वोकृष्टता, अार्थिक शक्ति केन्द्रित

  • अल्पकालमा : राष्ट्रिय मुद्दामा समान धारणा भएकाहरुबीच एकता गर्ने र सिपालु कुटनीतिक संजाल तयार गर्ने ।
  • मध्यमकालमा : सीमा व्यवस्थित गर्ने / २५००० जति सेना / २ बर्ष सम्म सबै नेपालीलाई आधारभूत देश निर्माणमा चाहिने नैतिक र अनुशासन तालिम दिने कुनाकाप्चाँमा लगेर । सीमा विवाद सुल्झ्याउने र चाहियो भने अन्तराष्ट्रिय अदालत जाने ।
  • दीर्घकालमा :  सीमामा खुल्ला आवतजावत बन्द नगर्ने तर अनुगमनलाई व्यवस्थित गर्ने, अल्पकालीन भिसा दिने, सीमाका निश्चित नाका मात्र खोल्ने, सूचना र अनुसन्धानलाई विशेष जोड दिने, ठूलो फौज होइन ठूलो कुटनीतिक वृत्त तयार गर्ने , धेरै मित्र राष्ट्रसँग नजिकको सम्बन्ध बढाउने

समग्रमा: देशको रक्षा गर्न देश शक्तिशाली हुनुपर्यो र शक्तिशाली हुन संमृद्ध हुनु पर्यो। देशको रक्षा गर्न विवेक प्रयोग गर्ने ,चुस्त नाका निकाय, सबल कुटनीतिज्ञहरु र छिमेकी चीन र भारत बिच अार्थिक भ्रातृत्वको वातावरणले नेपाल सुरक्षित बनाउँछौँ।

गृह प्रशासन 

हरेक नागरिकको सुरक्षा र स्वतन्त्रताको प्रत्याभूति दिने, अदालत चुस्त राख्ने, राज्यद्वारा हुने सबै ढिला-सुस्ती को क्षतिपूर्ति दिने।

  • अल्पकालमा: गृह प्रशासनमा हुने ढिला - सुस्ती र भ्रस्टाचारको न्युन गर्ने , आन्तरिक सुरक्षा निकायहरु बिच चुस्त समन्वे गरि शान्ति सु-व्यवस्था कायम गर्न दवाब दिने ।
  • मध्यकालीन रणनीति : सुरक्षाको लागि संख्यात्मक भन्दा पनि आवश्यक गुणस्तिरय जनशक्ति तयार गर्ने र त्यसको लागि अावश्यक प्रविधि प्रयोगमा ल्याउने, गृह र अदालतको स्तर अभिवृद्धि गर्ने, अनुसन्धान र सुरक्षा व्यवस्थापनमा जोड दिने।
  • दीर्घकालमा: नेपाललाई सुरक्षाको पूर्ण प्रत्याभूति भएको कानुनी राज्य बनाउने, आत्म-सम्मानयुक्त नागरिक र पूर्ण रोजगार भएको मुलुक बनाउन गृह संरचना खडा गर्ने ।

समग्रमा: नेपाल सरकारलाई सेवक सरकार बनाउने छौँ । सेवक सरकार जनताको सेवा गर्ने सरकार हो ।

परराष्ट्रस्वतन्त्रता र सार्वभौमसत्ताको रक्षा, आर्थिक जीत-जीतको सिद्धान्त, राष्ट्रियताको सम्बर्द्धन र राष्ट्रिय हितको परराष्ट्र नीति
  • अल्पकालमा :
    • बाह्य हस्तक्षेपको लागि नेपालमा राजनीतिक दलहरुले तयार गरेको वातावरणको विरोध, हतोत्साह र न्यूनीकरण ।
    • विश्व स्तरमा देशको सकारात्मक छाप बनाउने कार्यमा लाग्ने।
    • आत्मनिर्भर अर्थतन्त्रमा जोड (भित्र राष्ट्रियताको प्रवर्द्धन - बाहिर राष्ट्रिय हितको रक्षा )
  • मध्यमकालमा : बाह्य लगानी र सन्तुलित कुटनीतिको लागि कुटनीतिज्ञहरुको क्षमता विकास गर्ने
  • दीर्घकालमा : भारत र चीनको दृष्टिकोणमा नेपाल असल र काम लाग्ने मित्र रहेको संदेश स्थापित गर्ने
समग्रमा: देश भित्र राष्ट्रियताको विकास गर्ने । भारत र चीनबीच आर्थिक भातृत्व कायम गर्न अाफु मेरुदण्ड बन्ने । नेपाललाई विश्व मामिलामा सार्थक योगदिन दिन सक्ने स्तरमा पुर्याउने।संमृद्धि हासिल गर्नको लागि नेपालले दुई विशाल छिमेकीहरुसँग निरन्तर र क्रमिक विकासमा आफूलाई समाहित गर्दै सम्बन्धको अन्तरनिर्भरतालाई पहिचान गर्नु पर्दछ र सावधानीपूर्वक सन्तुलित सम्बन्ध स्थापित गर्न प्रयासरत हुनुपर्छ । सो को लागि हामी “उत्तर-दक्षिण नीति” प्रस्ताव गरेका छौँ। विस्तृतमा पढ्न यहाँ थिच्नुहोला प्रकृति तथा पर्यावरणहरियो नीति र सफा ऊर्जा नीति:
  • अल्पकालमा: भु-क्षय न्युनिकरण गर्न कृषि-वनको अवधारणलाई प्रयोगमा ल्याउने, फोहोरको अत्याधुनिक पुनर्प्रयोग नविकरणिय व्यवस्थापन, जलवायु परिवर्तनको सम्भाव्य असरबारे जनचेतना, जलवायु परिवर्तनलाई वातावरण नीतिको मूलधारमा ल्याउने
  • मध्यमकालमा : वातावरण मैत्री यातायात नीति, जलवायु परिवर्तनसंग जुध्न स्थानीय अग्रसरतालाई प्रोत्साहन,
  • दीर्घकालमा : अत्यधिक मात्रामा पुन:प्रयोगीय सामग्रीको प्रयोग गर्ने संस्कारलाई स्थापित गर्ने, नेपाललाई यातायात र औद्योगिक प्रदूषण न्यून भएको नमुना देश बनाउने,
समग्रमा:  फोहोरको दिगो  व्यवस्थापन गर्दै वातावरण मैत्री उद्योग स्थापना गर्ने र  कृषि- वनको विकास गर्दै त्यसबाट व्यवसायीक खेतीलाई प्रोत्साहन गर्नेछौँ। अनि सफा उर्जाबाट देश आत्म निर्भर हुने र जलवायु परिवर्तनलाई वातावरण नीतिको मूलधारमा ल्याउने।सशक्तीकरण

विकेन्द्रिकरणले स्थानिय निकाय र स्थािनय बासिन्दालाई शशक्त बनाउन ठोस योगदान दिन्छ।
  • अल्पकालमा : स्थानीय निर्वाचन गराई स्थानीय नेतृत्वलाई सशक्तीकरण गर्ने।
  • मध्यमकालमा : स्थानिय बासिन्दाको सुरक्षा, शिक्षा, स्वास्थ्य, जीविकोपार्जन कार्यन्वन स्थानीय सरकारले गर्ने। न्याय, शिक्षा, स्वास्थ्य,  सामाजिक सुरक्षा र पर्यावरणमा केन्द्रिय सरकारले नीति बनाउने र अार्थिक सहयोग गर्ने।
  • दीर्घकालमा : आफ्नो गाउँ-टोल आफै हाँक्न सक्ने वातावरण बनाउन सक्ने सशक्त नेपाली बनाउने।
समग्रमा: हरेक नेपाली आफ्नो जीवन सार्थक बनाउन सक्ने र राष्ट्रको सेवा गर्न सक्षम हुनेछन्।महिला

मुलुकको आधा हिस्सा समेट्ने महिलालाई आर्थिक र सामाजिक जीवनको मुलधारमा सम्मिलित नभै राष्ट्र आगाडी बढ्ने छैन जसलाई आत्मसाथ गरि समता मुलक समाज र आग्रणी महिलाको अवधारणा अनुरुप काम गर्ने हाम्रो नीति छ जसका लागि शिक्षा , सुबिधा र आर्थिक विकास अपरिहार्य छ ।
  • अल्पकालमा: महिला हित बाट नै राष्ट्र हित हुने यथार्थलाई स्थापित गर्ने र सो को लागि स्रोत र कार्यक्रम तय गर्न कार्यदिशा तय गर्ने। मुलत: महिलालाई राष्ट्रिय नेतृत्वमा ल्याउन उपयुक्त सीप र तालिम दिने अनि सँग सँगै महिला हिँसा निर्मुल गर्ने सुरक्षा र न्याय निकाय चुस्त र एकलद्वार वनाउने।
  • मध्यकाल : सो कार्य दिशा अनुरुप यसले तोकेका प्राथमिकता संगै विवेकशील नेपालीले प्राथमिकतामा राखेका महिलाको आर्थिक र सामाजिक स्वतन्त्रता स्थापित हुने कार्यक्रम संचालन गर्ने। विशेष गरि महिला स्वरोजगार अभियान बलपुर्वक कार्यान्वन गर्ने।
  • दिर्घकालमा : ब्यबहारिक रुपमै महिला सम्पूर्ण क्षेत्रमा पुरुषको दाजोमा समान हैसिय कायम गर्ने मदत गर्ने र  सम्भावना युक्त क्षेत्रमा अझै बिकसित हुने वातावरण  तय गने। नेतृत्वका हरेक निकायमा दक्ष महिलाले भरि-भराउ गर्ने।
समग्रमा - आर्थिक हैसियत् बिना महिला लाई सामाजिक र कानुनी हैसियत स्थापना गर्न कठिन छ त्यसैले हामीले आर्थिक स्वतन्त्रता स्थापित् गर्ने नीति बोकेका छौँ।स्वास्थ्य

स्वास्थ्य जीवन हरेक नेपाली अाधारभुत अावश्यकता हो र संमृद्ध नेपालको लागि मलु शर्त । अल्पकाल: नेपाललाई अाफुलाई पुग्ने जति चिकत्सक बनाउने देशमा परिणत गर्ने। मध्यमकाल: स्वास्थ्य र शिक्षालाई जोडेर लैजाने विधालयमा। स्वास्थ्य क्षेत्रलाई सस्तो र भरपर्दो बनाउन  सामुदायिक नेतृत्वमा स्वास्थ्य बिमाको परियोजना लागु गर्ने। दिर्घकाल: स्वास्थ्यलाई सामाजिक लोककल्याणकारी परिभेष भित्र ल्याएर सरकारले नै सुनिश्चित गर्ने।रोजगारी

अहिलेको नेपालमा रोजगार श्रृजना गर्नु अाधारभूत अावश्यकता हो । यसले हरेक नेपालीलाई सम्मानका साथ अाफ्नै देशमा जीवन विताउन अभिप्रेरित गर्छ। विवेकशील नेपाली रोजगारलाई अाधारभुत अावश्यकता ठान्दछ।
  • अल्पकाल:
    • बैदेशिक रोजगारमा गएर फर्केकालाई विज्ञहरुबाट व्यापार शुरु गर्न सर-सल्लाह कार्यक्रम
    • वित्तिय संस्थाबाट बैदेशिक रोजगारलाई धितोको रुपमा लिएर उनको परिवारलाई शुलभ कर्जा दिने निति अप्नाउने,
    • रोजगार श्रृजना गर्ने उद्दमीलाई अझ अवसर श्रृजना गर्न चाहेको खण्डमा विशेष सहुलियत र मद्दत गर्ने सेवक सरकार प्रणाली बनाउने
    • रोजगार मुद्दालाई छिटो छिनोफानो गर्ने एकल द्वार प्रणाली।
  • मध्यमकाल: १० लाख जनालाई रोजगार प्रदान गर्ने विवेकशील नीति कार्यान्वनमा ल्याउने।
  • दिर्घकाल:नेपाललाई विश्वको अवसर श्रृजना गर्ने नमुना देशमा पुर्याउने। नेपाललाई उद्दमीहरुको देश भनेर चिनाउने।
प्रशासन

योग्यतामुखी सेवक सरकार, पारदर्शी र प्रविधि उपयोगी सरकारी नीति
  • अल्पकालमा : बिगतमा गठित प्रशासन सुधार आयोगले दिएको प्रतिवेदनलाई समय सापेक्ष् हुने गरि लागू गर्ने, निश्चित समय दिएर सम्पूर्ण कर्मचारीको सेवा प्रदायी क्षमताको  मूल्यांकन गरी सुधार गर्ने | सुधार गर्ने नसक्ने कर्मचारीलाई सेवा निबृत गर्ने,
  • मध्यमकालमा : पूर्ण आधुनिक प्रशासन तथा सूक्ष्म सरकार जसका लागि सशक्त शिक्षा, स्थानीय निकाय र जवाफ माग्ने नागरिक शक्ति बनाउने । युनियनहरुलाई गैर-राजनीतिक बनाउने।
  • दीर्घकालमा : चुस्त र न्यून केन्द्रीय सरकारको अवधारणा स्थापित गर्ने, प्रसाशनिक खर्च यसको स्तर अभिबृद्धि गर्न  प्रयोग गर्ने, बैज्ञानिक प्रणाली र विकेन्द्रीकरणलाई अबलम्बन गर्ने
समग्रमा: प्रशासन संयन्त्र को पुन:समीक्षा गरि यो एक  सेवा प्रदाएक संस्थाको रुपमा विकास  गर्नु  जरुरी छ। प्रशासनलाई  हामीले प्रस्ताब गरेको ५ संघ (प्रदेश/क्षेत्र)मा बाँड्ने।  प्रशासकको पनि आवधिक ( प्रत्येक ३ वर्षमा ) परीक्षा जरुरी छ जसले राम्रा कर्मचारीको पदोन्नति र  असक्षम् लाई  अवकास गर्नेछ।शिक्षा

हरेक वालवालिका को उचित स्याहार , नैतिकता र सृजनशीलतामा आधारित भै आर्थिक समृद्धि, सामाजिक सदभाबको बिकाश र मुलुकको सार्वभौमिकताको रक्षा गर्ने  शिक्षा नीति
  • अल्पकालमा :
    • शिक्षा क्षेत्रमा उत्कृस्टता हासिल गर्न सो क्षेत्रमा योगदान गरेका व्यक्तिहरुको संजाल निर्माण गर्ने, ‘सार्थक  शिक्षा, उपयोगी सीप ’ नीति अबलम्बन गर्ने
    • सीपमुलक नेपालीहरुले विकट गाउँमा गएर २ वर्ष पढाउने अवधारणालाई देशव्यापी रुपमा लाने र संग-संगै शिक्षा र शीपमा केन्द्रित नमुना विद्यालयको विकास गर्ने
    • राजनीतिक दलका विद्यार्थी युनियनलाई  निरुत्शाहित  गर्ने , त्यसको अाधुनिक विकल्प खोज्ने
    • विद्यालय शिक्षामा सृजनशीलता बढाउने पाठ्यक्रम विकास गर्ने
  • मध्यमकालमा : स्तर अभिवृद्धिको लागि शिक्षामा व्यापक लगानी ( सेना र सशस्त्र, प्रशासनमा बजेट कटौती गर्ने - शिक्षकको गुणस्तर, र संरचनामा लगानी गर्ने )
  • दीर्घकालमा : हरेक गाविसमा अत्याधुनिक एक  एक वटा बिद्यालय स्थापना गर्ने जसले नैतिक शिक्षा, ज्ञान र सिप, राष्ट्र प्रेम सबै सिक्न सक्ने वातावरण स्थानीय स्तरमा दिन सकोस ।  प्राथमिक देखि माध्यमिक तहको गुणस्तरीय  शिक्षा  न्युनतम शुल्कमा प्रदान गर्ने,
समग्रमा: विद्यालयमा प्राविधिक शिक्षा अनिबार्य छ, त्यसैले मात्र उद्दमशीलता प्रवर्द्धन  गरि समृदि लियाउन सक्छ।  हामीलाई राष्ट्रिय सदभाबको विकास गर्ने नागरिक र देशको रक्षक् चाहिएको छ । त्यसैले सो हासिल गर्ने उपयोगी सिक्षा आबस्यक छ  |विज्ञान

विज्ञानलाई सृजनशील कार्यमा प्रयोग गर्ने समय-सापेक्ष नीति
  • अल्पकालमा : विद्यालय शिक्षामा सृजनशीलता बढाउने पाठ्यक्रममा लगानी
  • मध्यमकालमा : स्थानीय स्तरमा उद्योग, निर्माण र घरायसी प्रयोजनको निमित्त विज्ञानको प्रयोग ,  बैज्ञानिक अन्वेषणलाई सुरक्षित् र बिस्व उपयोगी बनाउन मदत गर्ने
  • दीर्घकालमा : : भाग्यवादी समाजलाई क्रमश: वैज्ञानिक र विवेकशील बनाउने
समग्रमा:  सहज आधुनिक सोचको विकास र विज्ञानलाई समाजमा स्थापित गर्ने दायित्व हामी माझ छ पर्यटन

धार्मिक तथा सांस्कृतिक अनिशाहसिक, मनोरंजक पर्यटनलाई बढावा दिने  नीति
  • अल्पकालमा :उपलब्ध पूर्वाधारको पूर्ण  प्रयोग र पर्यटकिए सम्भावना अनुरुप नयाँ पूर्वाधारको विकास गर्ने
  • मध्यमकालमा : पर्यटन प्रवर्द्धन गरी नेपालको मूल आय स्रोतको एक सबल पक्षको रुपमा लिन सक्ने गरी स्थापित गर्ने
  • दीर्घकालमा : एशियामा ‘घुम्ने ठाउँ  भनेकै नेपाल’ भन्ने संदेश प्रवाहित गर्ने अनि जनसंख्या बराबरको पर्यटक वार्षिक रुपमा भित्र्याउने
समग्र मा - पर्यटनलाई  आर्थिक बिकासको सहज माध्यम को रुपमा बिकसित गर्ने , यसलाई नेपालको ‘सफ्ट पावर ‘को रुपमा लिने

राजनीति

राष्ट्रिय राजनीतिमा सफलता र सुसस्कार स्थापित गर्न राष्ट्र प्रेमी,योग्य र अनुभबी व्यक्तिलाई रास्ट्रको नेतृत्व गर्न प्रेरित गर्ने  र राजनीतिक सुसंस्कृतिको वातावरण ल्याउनको लागि शुद्धीकरण नीति लिने, राष्ट्र हित र जन हित नै राजनीतक दलको धर्म हो , सो अनुरुप कार्य गर्ने।अल्पकालमा :
  • राम्रा व्यक्तित्व र संगठनको संजाल निर्माण गरि जित जितको बातावरण  बनाउने
  • आर्थिक तथा  प्रशासनिक सुधार  मूल कार्यनीति  बनाउने
मध्यमकालमा :
  • ‘राजनीतिक’ रुप लिएका भातृ संगठनहरुको अाधुनिक गैर-राजनीतिक संगठनको विकल्प खोज्ने
  • राजनीतक दलमा हुने नातावाद र कृपाबादको अन्य गरी राष्ट्र हितमा काम गर्न अन्य संघ संगठनलाई  प्रेरित गर्ने
  • राजनीति गर्नेहरुलाई उद्दमशील बाटो सिकाउने
दीर्घकालमा :राजनीतिक दलहरुमा पारदर्शिता ल्याउने
  • राजनीतिक दलले सरकारी स्रोत र शक्तिको प्रयोग गर्न नसक्ने
  • राजनीतिलाई कसैले पूर्ण-कालिन पेशा बनाउन नपाउने
समग्रमा: राजनीतिलाई  नेताको पेशा होइन राष्ट्र र समाज सेवा मुखी बनाउने ।पूर्वाधार निर्माण

बनाउ, चलाउ, फाईदा लेउ अनि निश्चित समय पछि सरकारलाई फर्काउ  (समय-सापेक्षता) नीतिअल्पकालमा : स्थिर सरकार , निजी लगानी र सुरक्षाको प्रत्याभूति मध्यमकालमा : विजुली, विमानस्थल ,नहर,  सडक, उद्योग क्षेत्र दीर्घकालमा :  रेल, गोदाम (सुखा - पोर्ट )  र द्रुत पर्यावहनको विकास गरि , आन्तरिक उद्योग व्यापार को प्रबर्धन अनि भारत र चीन बीच व्यापार सेतु बन्नेसमग्रमा: राष्ट्रको विकासको संरचना बनाउन नेपालीले विदेशमा आर्जन गरेको विप्रेषणको सफल प्रयोग पूर्वाधार निर्माणमा लगानी गर्नु आवश्यक छ , जसले गर्दा उनीहरु प्रतिफल र सुविधा दुबैको भागीदार होऊन्।  विदेशबाट फर्के पछि पनि उनीहरुको निरन्तर आयको निश्चितता होस् र रास्ट्र आर्थिक रुपमा दिगो विकास गर्न सकोस अरु केहि नीतिहरुमा तपाईको प्रश्न छ भने help@leadnepal.com मा ईमेल गर्नु वा तल कमेन्टस् मा लेख्नु होस्।

Start typing and press Enter to search