Read in English

 

 

[su_tabs][su_tab title=”शान्त र समृद्ध नेपाल कसले बनाउन सक्छ ?“]

जिम्मेवार नागरिक र जवाफदेही नेतृत्ववर्ग मिले मात्र शान्त र समृद्ध नेपाल बन्छ । विचार तथा धारणाहरू भिन्न हुन सक्दछन् तर यदि कार्यान्वयन गर्ने तरिका विवेकशील हुने हो भने जुनसुकै बाटोबाट अगाडि बढे पनि शान्त र समृद्ध नेपाल निर्माण गर्न सकिन्छ।

  • कस्तो नेतृत्व असल हुन्छ (अनि भ्रष्ट हुँदैन)?
  • कस्तो नेतृत्वसँग युवा जोशका साथै दूरदर्शीता पनि हुन्छ?
  • कस्तो नेतृत्वले आफ्ना विचारहरुलाई समयसापेक्ष रुपमा विकसित गर्दै लान सक्छ ?

नेतृत्व सम्बन्धी केही प्रश्नहरूका उत्तरहरु खोज्ने क्रममा हामीले शान्त र समृद्ध नेपालको निर्माण गर्ने नेतृत्ववर्गमा हुनैपर्ने गुणहरुको पहिचान गर्यौं।

[su_accordion][su_spoiler title=”नेपाललाई अहिले के चाहिएको छ?” style=”fancy”]

नेपाललाई समृद्ध बनाउन शान्ति र स्थिरता कायम गर्ने उत्तरदायी र विवेकशील नेपाली युवा अगुवाहरु चाहिएको छ।

[/su_spoiler] [su_spoiler title=”हामी को होइनौ ?” style=”fancy”]

हामी साम्यवाद, पुँजीवाद, समाजवादजस्ता बिदेशी वाद वा हातबाट संचालित सत्तालिप्त हिंस्रक भीड होइनौ! हामी  परिवर्तनको नाउँमा जनसमर्थनको दुरुपयोग गर्ने भ्रष्ट समूह पनि होइनौं ! हामी कुनै एकल सिद्धान्त, दर्शन, वा विचारधारा मात्रैले परिवर्तन र समृद्धि प्राप्त हुने भ्रममा विश्वास गर्दैनौ ! न त हामी सहमतिहरुका खोक्रा दस्ताबेजले मात्रै राष्टि्य समस्याको निकास दिन्छ भन्ने कुरामा विश्वास गर्छौं । हामी त्यो विनाशकारी शक्ति होइनौं जो देश र जनतालाई ढुंगे युगमा लैजाने कुचेस्टा गर्छन् ! हामी राष्ट्रघाती पनि होइनौ जो आफ्नो राष्ट्रिय स्वाभिमान लिलाम गर्न पनि पछि पर्दैनन् !

[/su_spoiler] [su_spoiler title=”हामी को हौ ?” style=”fancy”]

हामी प्रतिबद्द विवेकशील सोच बोकेका नेपाली हौं जो देशको बिग्रदो अवस्था र त्यसको मूल कारणबाट मुक्ति पाउन  कम्मर कसेर लागेका छौं। हामी वक्ता होइनौं, कर्ता हौं – त्यसैले हामी मूल्य र मान्यताका बारेमा लेख्ने र फलाक्ने मात्र गर्दैनौं बरु त्यसलाई व्यवहारमै उतार्छौं। हामी आफ्नो देश र देशबासीको उन्नत भविष्यको निर्माण गर्न तत्पर युवा हौं जोसँग उच्च अनुशासन, मनोबल, क्षमता, नैतिकता, दूरदृष्टि र चुस्त संगठन छ। हामी यो देशको वर्तमान र भविष्य दुवै हौं!

 

[/su_spoiler] [su_spoiler title=”हामीले कस्तो नेतृत्व दिन्छौं ?” style=”fancy”]

प्रचुर ज्ञान र हिम्मत भएका युवाहरुको नेतृत्व समूहले व्यक्तिगत स्वार्थ त्यागेर अब राष्ट्रिय हितको जगेर्ना गर्छ । त्यस्तो नेतृत्व असल र क्षमतावान हुन्छ जसले यथार्थमा आम नेपालीको भलो गर्छ। त्यो विवेकशील नेतृत्व जसले सबैको पीर मर्का बुझेर राष्ट्रिय समस्याको दीगो समाधान निकाली आफू सुमार्गमा हिंड्छ र अरुलाई पनि हिड्न प्रेरित गर्छ ।  त्यो जिम्मेबार र उत्तरदायी नेतृत्व जसले एक पुस्तामा नै यो देश र जनताको लागि शान्ति, समृद्धि र सम्मान जुटाउँदछ।

[/su_spoiler] [su_spoiler title=”हाम्रो दलको मूलभूत सिद्धान्तहरु के के हुन् ?  ” style=”fancy”]
  • सत्य, अहिंसा, कर्म र दीगो विकासमा विश्वास गर्नु  !
  • राष्ट्रिय स्वतन्त्रता र अखण्डताको हित गरी विश्वस्तरमा मैत्री सम्बन्ध कायम गर्नु !
  • व्यक्तिगत स्वतन्त्रता र कानुनी सर्वोच्चताको सम्मान र पालना गर्नु!
  • स्वच्छ, पारदर्शी र जिम्मेवार हु्नु!
  • समानता र आत्मसम्मानमा आधारित भै राष्ट्र निर्माणको लागि सहकार्य गर्नु  !
[/su_spoiler][/su_accordion] [/su_tab] [su_tab title=”विवेकशील मार्गदृष्टि“] [su_accordion][su_spoiler title=”दायित्वबोध – जिम्मेवार नेपाली” style=”fancy” open=”yes”]

अरुको अधिकारको सम्मान गर्नु हरेक नागरिकको जिम्मेवारी हो। आ-आफ्‍नो कर्तव्य पालन गर्नु नागरिकको दायित्व हो। यस्ता कर्तव्य औपचारिक रुपमा कुनै पदसँग जोडिएर वा अनौपचारिक रुपमा पारिवारिक, सामाजिक र व्यक्तिगत क्रियाकलापहरुसँग जोडिएर आउन सक्छन्। सजायको डर वा कानुनको कारणले मात्र नभई भित्रैदेखि स्वविकेकले आ-आफ्‍नो कर्तव्यवोध गर्नु नागरिकको जिम्मेवारी हो। यदि बहुसंख्यक  नागरिक गैरजिम्मेवार हुने हो भने त्यसको निदानको लागि राष्ट्रले गर्नुपर्ने कानुनी उपचार निम्ति जनताकै लागि उपयोगमा आउने स्रोतहरुको अनावश्यक रुपमा खर्च हुने तथा कुसंस्कारहरुले जरो गाड्ने तथ्य बुझ्नु आवश्यक छ। राष्ट्रिय स्रोतको सदुपयोग र सुंसस्कारबाट गर्दा मात्र देशको बिकास सम्भव हुन्छ।

नेपाली बन्नु भनेको नै जिम्मेवारी बोक्ने नेपाली बन्नु हो। जबसम्म नागरिकहरु जिम्मेवार हुदैनन् तबसम्म यो देश शान्त र समृद्ध कदापि हुने छैन।

[/su_spoiler] [su_spoiler title=”उत्तरदायित्व – जवाफदेही नेतृत्व” style=”fancy”]

जब नेपालीहरु अा-आफ्ना कामकारवाहीमा जवाफदेही बन्न थाल्छन् तब उनीहरु इमान्दार, मेहनती अनि जिम्मेवार हुन्छन् । कुनै नेताले पाउने पुरस्कार वा सँजाय उसले वहन गर्ने जिम्मेवारी र कर्तव्य पालनमा निर्भर रहन्छ। नेतृत्वलाई जवाफदेही बनाउन हामी त्यसलाई नागरिकप्रति प्रत्यक्ष रूपले उत्तरदायी तुल्याउने सहज माध्यमहरू सिर्जना गर्नेछौं। शासन विधिमा हामीले नियन्त्रण र सन्तुलनका संरचनाहरू निर्माण गर्नेछौं। हामी हाम्रा सरकार, आदर्श, लक्ष्य र योजनाहरूलाई पारदर्शी बनाउन खुल्ला नीति अपनाउनेछौं‌। यसरी हाम्रो नेतृत्व नेपाली भूमि भूगोलमा मात्र सीमित नभई सारा मानवजातिप्रति नै उत्तरदायी हुनेछ।

[/su_spoiler] [su_spoiler title=”समृद्धि– समृद्ध नेपाली” style=”fancy”]

समृद्धि मानिसको आधारभूत अधिकार हो। अरू विभिन्न आधारभूत मानव अधिकारहरू सुनिश्चित गर्न समृद्धि अपरिहार्य छ। समृद्ध व्यक्तिसँग प्राय: प्रतिष्ठा र सम्मान हुन्छ किनकि उसले कसैको अगाडि हात नजोडी, भीख नमागी, अरूको अधिकार नखोसी आफू र आफ्नो परिवारको मूलभूत आवश्यकताहरू सजिलै परिपूर्ति गर्न सक्छ। उसले आफ्नो परिवारलाई उचित शिक्षा प्रदान गरी सशक्त बनाएर लोकहितमा सक्रिय रहन उत्प्रेरित गर्छ। हामी हरेक नेपाली समृद्ध भएको देख्न चाहन्छौं र यो सपनालाई साकार पार्न हामी पूर्णरूपले प्रतिवद्ध छौं। समृद्ध नेपालको लागि हामीले उद्यमशील क्रान्ति परिकल्पना गरेका छौं।

[/su_spoiler] [su_spoiler title=”सशक्तिकरण – सशक्त नेपाली” style=”fancy”]

कुनै पनि समाज तबमात्र स्वतन्त्र र निष्पक्ष हुन्छ जब त्यो समाज सशक्त हुन्छ। हामी सशक्त भयौं भने हामीले हाम्रो अधिकार प्रयोग गर्न जान्दछौं, हाम्रो दायित्वहरू पूरा गर्न सक्नेछौं र स्वाधीनताको संरक्षण गर्न समेत सक्षम हुनेछौं। एउटा सशक्त नेपालीसँगमात्र ठीक-बेठीक छुट्याउन सक्ने विवेक, नैतिक अनुशासन एवं मूलुकको विकास गर्ने क्षमता हुन्छ। सशक्त नेपालीहरूले सरकारद्वारा नै आफ्ना सारा आवश्यकताहरू परिपूर्ति हुनुपर्दछ भन्ने अपेक्षा राख्दैनन्। बरु उनीहरुले स्थानीय समुदायहरुबीच नै सहयोग र सहकार्य हुनुपर्छ भन्ने मान्यता राख्दछन्। सशक्त नेपालीहरू ती हुन् जो बोलेर होइन, गरेर देखाउँछन्।

आफ्ना समुदायहरुलाई सारा विश्वसँग परिचित र घुलमिल गराई सशक्त बनाउन चाहिने स्रोतहरुको लगानी गर्नेछौं। यसो गर्नाले उनीहरु एक-अर्कासँग स्वाभिमानका साथ सहकार्य गर्नसक्ने हुन्छन्। यसरी विश्वसँग जोडिएका र स्थानीय तहमा सशक्त बनेका समुदायहरुले नै सुरक्षित, सफल र स्वतन्त्र नेपाल निर्माण गर्छन्।

[/su_spoiler] [su_spoiler title=”स्वतन्त्रता– स्वतन्त्र नेपाली” style=”fancy”]

कसैको व्यक्तिगत आचार-विचार, ज्ञान वा गतिबिधिमा हस्तक्षेप गर्ने अधिकार सरकारको हुँदैन। कसैको निजी व्यक्तित्वमा जबर्जस्ती कुनै पनि धार्मिक, राजनीतिक वा नैतिक आदर्शहरू लाद्‍ने अधिकार कसैसँग हुदैन। यही नै स्वतन्त्रता हो। हाम्रा भावी सन्ततिहरूले संसारको सम्बर्धन र पर्यावरणको संरक्षण गर्नको लागि उर्जायुक्त स्वतन्त्र वातावरण बनाउनु हाम्रो जिम्मेवारी हो। स्वतन्त्रताका आधारभूत सिद्धान्तहरू – नवीनता र सिर्जनशीलतालाई कहिल्यै पनि सामाजिक वा राजनीतिक बन्देज लगाउनु हुँदैन। अभिव्यक्तिमा स्वतन्त्रता सुनिश्चित गर्नाले नै हामीलाई यस संसारमा स्वतन्त्रताका प्रबर्द्धक र संरक्षकको रूपमा चिनाउन सहयोग गर्दछन्। अन्त्यमा, स्वतन्त्रताको सही उपयोगले नै हामी स्वतन्त्र नेपाली बन्नेछौं ।

[/su_spoiler] [su_spoiler title=”विविधता – ‌ऐक्यबद्ध नेपाली” style=”fancy”]

नेपालीहरुको विविधतालाई हामी एक सुन्दर उपहारको रूपमा मान्छौं। बिगतका बिभिन्न कालखण्डमा यस विविधतालाई उचित रूपले ग्रहण नगरिएकाले नै साधन स्रोतमा उचित विभाजन र राज्यशक्तिमा उचित समावेशिता हुन सकेन। हामीले हाम्रो विविधतालाई दुरुपयोग होइन, सदुपयोग गर्नेछौं। सामाजिक कोलाहललाई अन्त्य गर्न हामी ग्रामीण अर्थतन्त्रलाई सुदृढ बनाउन केन्द्रित हुनेछौं ताकि हरेक स्थानीय व्यक्तिलाई मुलुकभरी हुने शान्तिपूर्ण, समृद्ध समाज निर्माणका कार्यमा आफू प्रत्यक्ष संलग्न भएको अनुभूति हुनेछ। हामीले हरेक नेपालीलाई समान अवसर दिनेछौं जसको परिणामस्वरूप विविधतामुलक समाजले समान लाभको उपभोग गर्न सकोस्।

विविधतामा समानता, एकताभित्र स्वाभिमान, समृद्धिका साथ शान्ति – यही हाम्रो राष्ट्रिय नारा हुनेछ । हामी योग्यतामुखी संस्कृतिलाई स्थापित गर्दै, ऐतिहासिक त्रुटिहरूलाई सँच्याउन प्रतिवद्ध छौं। हामीलाई विश्वास छ विविधताले भरिएको नेपालका जिम्मेवार नागरिकहरुले नै बलियो, एकजुट नेपाल बनाउनेछन्।

[/su_spoiler] [su_spoiler title=”जनपक्षीय शासन – सेवक सरकार” style=”fancy”]

नागरिकको हितमा काम गर्ने सरकार जहिले पनि नागरिकको अस्तित्व स्वीकारी तिनीहरूसँग खुल्ला हृदयले काम गर्न चाहन्छ। एक जनमुखी, सेवा प्रदान गर्ने लोकतान्त्रिक सरकारका प्रमुख कामहरु हरेक नेपालीलाई समृद्ध हुने मौका दिनु, विधिको शासन सुनिश्चित गर्नु, तथा देश र नागरिकहरूको प्रतिष्ठा रक्षा गर्नु हुन्। सेवक सरकारको प्रमुख जिम्मेवारी भनेकै नागरिकहरूलाई राष्ट्र-निर्माण गर्ने वातावरण बनाइदिनु हो। एक प्रभावशाली सेवक सरकारले कानून र संविधानको सर्वोच्चता कायम गर्दै राष्ट्रनिर्माणमा तल्लीन नेपाली नागरिकहरुको संरक्षण गर्छ, हरेक गाउँ र शहरलाई आत्मनिर्भर वन्न बल प्रदान गर्छ अनि विवेकशील स्थानीय स्वशासन स्थापित गर्नमा सहयोग गर्छ। यस प्रकारको चुस्त सरकार उत्तरदायी एवं सेवा प्रदान गर्ने किसिमको हुन्छ।

कुनै पनि सेवक सरकार तबमात्र बलियो हुन सक्दछ, जब नेपालीहरू उसको पक्षमा एक भई उभिन्छन्। जब यसरी नेपालीहरू एक हुन्छन्, तबमात्र राज्यसत्ता यथार्थमा सेवा प्रदान गर्ने बन्न सक्दछ। यदि नेपालीहरू खण्डित र विभाजित भई बस्ने हो भने सरकार जनताको सेवक बन्नुको साटो मालिक बन्ने खतरा रहिरहन्छ । सरकार सर्वशक्तिशाली मालिक वा असक्षम व्यापारिक-रोजगार दिने संस्था कदापि हुनुहुँदैन।

[/su_spoiler] [su_spoiler title=”समय-सापेक्षता– खुल्ला सुधारमुखी नेपाल” style=”fancy”]

विश्व परिवर्तनशील छ। विगतको सय वर्षभित्रै हामीहरु पिछडिएको समयबाट आजको इन्टरनेटको युगमा आइपुगेका छौं। वरिपरिका समाजहरु समृद्ध भइरहँदा हामी मात्र अलग्गै पिछडिएर रहन सक्दैनौं। यस्तो अवस्थामा आफू-आफूमा वा अरुसँग झगडा गरी बसिराख्ने हो भने हाम्रो अस्तित्वमा नै संकट अाउँदछ। हाम्रो उद्देश्य समय-सापेक्ष सिद्धान्त, कार्य एवं प्रविधिको प्रयोगबाट आफ्ना समुदायहरुका विकास गरी विश्वसँगै काँधमा काँध मिलाउने परिस्थितिमा पुर्याउनु हो।

हाम्रा दुई छिमेकी राष्ट्रहरुसँग हामी पारस्परिक आदर र आत्मसम्मानमा आधारित सम्बन्धको पक्षमा छौं। तिनको आर्थिक सम्पन्नताको फल उपभोग गर्न हामी हाम्रो अर्थतन्त्रलाई उनीहरुको अर्थतन्त्रसँग जोड्नेछौं। हाम्रा छिमेकीहरूसँग हामीले बलियो आर्थिक सम्बन्धहरु विस्तार गर्यौं भने अतिवादी राजनीतिक, सामाजिक तथा धार्मिक तनावलाई टाढै राख्न सकिनेछ।

त्यसैले विदेश नीति पनि समयसापेक्ष रुपमा रुपान्तरण गर्नुपर्दछ। हाम्रो लक्ष्य यस्तो समाज निर्माण गर्नु हो, जसले सकारात्मक सोच र औद्योगिक कार्यहरूवाट नवीनता र सिर्जनशीलता वृद्धि गर्ने वातावरण निर्माण गर्छ । यस वातावरण निर्माणले गर्दा मानव विकासको उच्चतम् गतिसँग हाम्रो समाजले आफ्नो गति जोड्न सक्छ । हामीले समयसापेक्ष सुधारलाई अँगाल्नुपर्छ, अन्यथा हाम्रो अस्तित्व नै मेटिनेछ। त्यसैले आफ्नो विवेक प्रयोग गरी हामीले नेपाललाई खुल्ला, सुधार र विकासको बाटोमा लगिराख्छौं।

—-
हामीले यस्ता विश्वसनीय संरचनाहरू निर्माण गर्नुपर्छ जसमा एउटै नेतृत्व समूहको भर पर्नुको साँटो नागरिकहरूले बेला-बेलामा नयाँ नेतृत्व प्राप्त गर्न सकून्। हामीले नागरिकहरूलाई यति आत्मनिर्भर बनाऔं कि हाम्रा अगुवाले आफ्नो समय प्रतिभावान् नागरिकसँग मिलेर महत्त्वाकाङ्क्षी देश विकासका योजनाहरूमा व्यस्त हुन सकून्। यसरी नै बन्छ शान्त र समृद्ध, हाम्रो नेपाल ।

[/su_spoiler] [/su_accordion] [/su_tab] [su_tab title=”यी मार्गदृष्टि लिएर हामी के गर्नेछौं त ?“] [su_accordion][su_spoiler title=”१) हामीले एक शान्त नेपाल निर्माण गर्नेछौं,” style=”fancy” open=”yes”]
  • जहाँ द्वन्द्व, हत्या-हिंसा अनि यातनाको वातावरण हुँदैन र जहाँ हामीले सुरक्षाको प्रत्याभूति गर्न सक्छौं।
  • जहाँ हरेकले कानूनको सर्वोच्चतालाई स्वीकार गर्नेछन् र सवैलाई समान कानून लागु हुनेछ।
  • जहाँ कसैले पनि कानून भङ्ग गरेमा भोग्नुपर्ने परिणाम समयमै र उचित मात्रामा भोग्नेछ।
[/su_spoiler] [su_spoiler title=”२) हामीले एक सचेत र समृद्ध नेपाल निर्माण गर्नेछौं” style=”fancy”]
  • जहाँ हाम्रा आधारभूत आवश्यकताहरू–खाना, पानी, विजुली, बास, इन्धन, सञ्चार आदि सुविधाहरू सुलभ रूपले पाइनेछ।
  • जहाँ हरेकको विश्वविद्यालय स्तरीयसम्मको शिक्षामा सुलभ पहुँच हुनेछ र विवेकशीलताको बृहत् भावना विकास हनेछ।
  • जहाँ राष्ट्रव्यापीरूपमा गुणस्तरीय तथा सर्वसुलभ स्वास्थ्य सेवा उपलव्ध हुनेछ।
  • जहाँ एक सक्षम उदाहरणीय समृद्ध समाजको निर्माण हुनेछ जसमा हरेकले सुखी र सम्पन्न जीवन बिताउनेछन्।
[/su_spoiler] [su_spoiler title=”३) हामीले एक उद्यमशील नेपाल निर्माण गर्नेछौं,” style=”fancy”]
  • जहाँ उद्यमशील संस्कृति स्थापित हुनेछ।
  • जहाँ हरेकका परिवार अनि भावी पुस्ताले समृद्ध हुने मौका पाउनेछ।
  • जहाँ हरेकले जोखिम मोल्दै गरेको मेहनतले संपन्न हुने अवसर पाउनेछ।
  • जहाँ हरेकले लगानी गरि आफ्नो सम्पति अरु ठाँउ भन्दा तीव्र रूपले वृद्धि गर्न पाउनेछ।
  • जहाँ सेवक सरकारले उद्दमशील कार्यलाई भौतिक र सामाजिक संरक्षण दिनेछ।
  • जहाँ उद्योग, व्यवसाय, कृषि र सेवा प्रदायक व्यवसायको निमित्त आधारभूत संरचना उपलब्ध हुनेछ।
  • जहाँ एकाधिकारवादी, पक्षपाती नीतिहरूलाई लागू हुन नदिई समान र स्वच्छ प्रतिस्पर्धाको  वातावरण सिर्जना गरिनेछ।
  • जहाँ हाम्रा समस्त प्राकृतिक, प्राज्ञिक तथा भौतिक साधन स्रोतहरूलाई देशबासी र समस्त मानवजातिको कल्याणमा प्रयोग गरिनेछ।
  • जहाँ निम्न मुद्रास्फीति(महंगी) कायम गरि व्यापार-व्यवसायलाई चाहिने स्थिर वातावरण निर्माण गर्ने आर्थिक नीतिको विकास गरिनेछ।
[/su_spoiler] [su_spoiler title=”४) हामीले शान्तिको प्रवर्द्धकको रुपमा नेपाललाई अन्तराष्ट्रिय क्षेत्रमा स्थापित गर्नेछौं” style=”fancy”]
  • जसले युद्धलाई निषेध गर्नेछ र आफ्नो सेनालाई आत्मरक्षाको लागि वा शान्तिसेनाको रुपमा मात्र प्रयोग गर्नेछ।
  • जसले भारत र चीनबीच सुमधुर सम्बन्ध स्थापित गर्न समन्वयकारी वातावरणको निर्माण गर्नेछ।
  • जसले विश्वका विभिन्न क्षेत्रहरूमा भइरहेका द्वन्द्व र तनावहरुको समाधानमा अहम् भूमिका खेल्नेछ।
[/su_spoiler] [su_spoiler title=”५) हामीले स्वतन्त्र नेपाल निर्माण गर्नेछौं,” style=”fancy”]
  • जहाँ सबैले स्वतन्त्रताको अनुभूति गर्न पाउनेछन्।
[/su_spoiler] [su_spoiler title=”६) हामीले मुक्तिको प्रत्याभूति गर्न सकिने नेपाल निर्माण गर्नेछौं,” style=”fancy”]
  • जहाँ हरेकले समान अवसर पाउनेछन्।
  • जहाँ हाम्रो घरजग्गा, पूँजी, विचार, लगायतका सम्पतिहरू कानूनी रूपले संरक्षित हुनेछन्।
  • जहाँ जाति, उमेर, लिङ्ग, रङ्ग, धार्मिक मान्यता, राजनीतिक विश्वासको आधारमा विभेद नहुने गरी समान अधिकार उपलब्ध हुनेछ।
[/su_spoiler] [su_spoiler title=”७) हामीले एक न्यायमूलक नेपाल निर्माण गर्नेछौं,” style=”fancy”]
  • जहाँ सशक्त अनि स्वतन्त्र न्यायपालिका, कार्यपालिका र व्यवस्थापिका स्थापित हुन्छ।
  • जहाँ सबैलाई मानव अधिकारको प्रत्याभूति हुनेछ।
  • जहाँ यस्तो व्यवस्था बन्छ जसले हरेकको अधिकार सुनिश्चित गर्छ, अपराधीहरूलाई दण्डित गर्छ, अनि हरेकलाई जिम्मेवार हुन उत्प्रेरित गर्नेछ।
  • जहाँ विश्वभरवाट अनेक मूलका व्यक्तिहरू नेपालमा आई काम गर्न, शान्तिपूर्ण रूपले बस्न र निश्चित योग्यता र गुणका आधारमा यसलाई आफ्नो स्थायी बासस्थान बनाउन सक्नेछन्।
  • जहाँ नेपालको विविधतामा गौरवान्वित भइनेछ र यसलाई प्रोत्साहित गरिनेछ जसले गर्दा संसारभरका कुनै पनि व्यक्तिले यहाँ आएर घरको रुपमा बास बस्न सक्नेछन्।
[/su_spoiler] [su_spoiler title=”८) हामीले एक लोकतान्त्रिक उत्तरदायी नेपाल निर्माण गर्नेछौं,” style=”fancy”]
  • जहाँ हामीले हाम्रा स्थानीय र राष्ट्रिय प्रतिनिधिहरू नियमित रूपले चुन्दै, तिनलाई सीमित कार्यावधिमा परिवर्तन ल्याउने मौका दिनेछौं।
  • जहाँ हामीद्वारा निर्वाचित प्रतिनिधि, न्यायपालिका र आर्थिक संरचनाहरूलाई हाम्रा आवश्यकताहरू परिपूर्ति गर्ने कार्यहरूमा उत्तरदायी तुल्याउन सक्छौं।
  • जहाँ भ्रष्ट, अयोग्य र मार्गदृष्टि विहीन व्यक्तिहरूले होइन वुद्धिमान्, दूरदर्शी अनि एकतालाई प्रोत्साहित गर्नेहरूले नेतृत्व गर्नेछन्।
  • जहाँ हरेकले आफूले गरेका काममा पूर्ण जिम्मेवार हुन्छन् अनि जहाँ नेताहरूले बोलेर होइन आफ्नो कामले  नेतृत्व देखाउनेछन्।
  • जहाँ लोकतान्त्रिक स्थायित्वको  संस्थागत विकास हुनेछ।
[/su_spoiler] [su_spoiler title=”९) हामीले नेपाललाई विश्व मानचित्रमा एक चम्किलो ताराको रूपमा उभ्याउनेछौं,” style=”fancy”]
  • जहाँ हामीले आफ्नो संस्कृति, इतिहास र आर्थिक उन्नतिले गर्दा नेपाली हुनमा गर्व गर्न सक्नेछौं।
  • जहाँ हामी विश्वका समुन्नत र सभ्य समुदायको रुपमा स्थापित हुन सक्छौं।
  • जहाँ हाम्रो झण्डा विश्वसामु उच्च रही फहरिरहनेछ र नेपाललाई बुद्धको शान्त र समृद्ध भूमि भनी चिनाउन सक्नेछौं ।
  • जहाँ हामी हरेकले आफ्नो परिचय गौरवका साथ  -“म नेपाली  हुँ!” भनेर दिन सक्नेछौं।

आऔं, हामी यसरी नै विवेकशील नेपाली बनौं र नेपाललाई शान्ति र समृद्धिको वाटोमा फर्काई विश्वलाई समेत मद्दत गर्न सक्ने स्थितिमा पुर्याऔं। “अहिले नगरे कहिले ? हामीले नै नगरे कसले?”

नेपालको जय होस् !

[/su_spoiler] [su_accordion] [/su_tab][/su_tabs]

Start typing and press Enter to search